01
Социо-емоционален раст
Заедно со родителите градиме стратегии најсоодветни за детето. Преку индивидуални средби учиме како да изградиме хармонија и да ги препознаваме чувствителните нивоа и развојни специфики на детето.
35 ГОДИНИ Заедно растеме
Развиваме млади умови преку игра
Добредојдовте во Изворче-Монтесори. Едукација на деца во автентична Монтесори средина — развивање на независно, љубопитно дете кое сака да учи и само да го открива светот околу себе.
„Децата учат преку игра — играта за нив е учење.“
35
години искуство
1991
од оваа година
АМИ
акредитирана програма
1ва
Куќа за деца во Македонија
Нашата визија
Самоуверени, независни и мирољубиви деца
Во Изворче-Монтесори развиваме деца со внатрешен мотив за учење, со висока концентрација, креативни и љубопитни — од неполни 2 до 6 годишна возраст.
Монтесори пристапот е индивидуален: за секое дете водиме досие врз основа на опсервации и набљудување, и го водиме да постигне подлабоки интереси и целосен хармоничен развој. Акцент се става и на откривање и развивање на талентот на секое дете.
За најдобро видливи резултати, препорака е детето да престојува 3, евентуално 2 години.
Што развиваат децата
Пет полиња на раст и развој
Целокупниот развој на детето — когнитивен, емоционален и академски — го следиме и поддржуваме преку богата програма и автентични развојни материјали.
02
Практичен — секојдневен живот
Развивање на самостојност и независност, грижа за околината, социјални интеракции, позитивни карактерни особини, мирољубивост и културен начин на комуникација, грижа за растенија и животни.
03
Јазик и јазични способности
Преку секојдневни интеракции децата вежбаат правилен изговор, учат нови зборови и како да се изразуваат. На 4 години почнуваме со описменување, а на 5,5 секое дете веќе чита и пишува едноставни реченици.
04
Математика
Математиката ја учат преку игра и со помош на Монтесори материјали. Аритметиката и геометријата се дел од активностите со конкретни материјали: симболите на броевите и основните операции.
05
Наука
Општествените и природните науки се интегриран дел од нашата програма — основа за љубов кон откривањето, ЅTEM активностите и разбирањето на светот.
+
Англиски, балет и танц
Основна конверзација на англиски преку игри и песнички, а грубата моторика и телесниот развој ги негуваме преку танц, балет и фискултурни вежби.
Зошто Монтесори?
Добар избор за вашето дете
Со правилна примена на Монтесори методот во автентична средина, каде детето се развива во граници на дозволена слобода, тоа ќе развие:
- Автономија и внатрешна мотивација за учење
- Чувство на одговорност, емпатија и лидерство
- База за доживотно учење и истраен карактер
- Способност да процени што е добро за него
- Почит и изразување на сопствените потреби
- Критички начин на размислување
- Програма за напреден раст и развој
- Поддршка на позитивно родителство
Учиме преку игра
Изгради ја Розовата кула 🌸
Розовата кула е еден од најпознатите Монтесори материјали. Подреди ги коцките од најголемата до најмалата — повлечи ги на местото и изгради ја кулата!
Розова кула
Повлечи ја секоја коцка во кулата по редослед — најголемата најдолу. Можеш и да кликнеш на коцка за да ја поставиш.
Еден ден кај нас
Како тече адаптацијата и денот
Работното време е од 07:00 до 17:00. Адаптацијата тече благо, нежно и спокојно — вообичаено трае околу 5 дена, започнувајќи во договорен понеделник во 9 часот.
07:00–09:00
Пристигнување и појадок
Прием на децата, појадок и започнување со активностите од подготвената средина, уредена според стандардите на д-р Монтесори.
09:00–11:30
Непрекинат циклус на едукација
3-часовен непрекинат работен циклус со материјалите, освен мала пауза за првата ужинка од овошје.
11:30–12:30
Движење и тело
Програмата продолжува со групни вежби, фискултура, танц или телесен развој, по престој на отворено.
12:00–14:00
Ручек и одмор
Ручекот за малите е пред 12 часот; потоа одмор — спијат само децата кои имаат потреба од дневен одмор.
15:00–17:00
Читање, творештво и англиски
Групни или индивидуални активности за читање и креативно изразување, како и базично изучување на англискиот јазик до заминувањето на децата.
Најдобри периоди за упис: Август, Октомври, Декември и Март.
Дозволете му на вашето дете да расте со нас
Информативните разговори за упис ги вршиме после 17 часот, со присуство на родителите и детето. Пишете ни — со задоволство ќе ви раскажеме повеќе.